Última presentación en galego.

Rapazada de 6º:

Durante as vindeiras semanas teredes que preparar na casa unha presentación en galego. 

O tema pode ser calquera do voso interese, aínda que, coma sempre, valorarei que sexa interesante.

A finalidade desta actividade é que teñades a oportunidade de expresarvos en galego con seguridade e tranquilidade, xa que podedes ensaiar na casa e pedirme axuda cos guións as veces que precisedes.

Aquí tedes algunhas pautas a ter en conta:

• 
  

• SOPORTE. Podes crear o soporte que queiras ou co que te sintas máis cómodo/a, por exemplo; unha presentación PowerPoint, unha cartolina con fotos, unha maqueta, un vídeo, unha gravación de audio, etc…

• LINGUA. Recorda que é imprescindible que todo esté en lingua galega (tanto o soporte coma o teu guión e exposición). Non dúbides en pedirme axuda e empregar o dicionario da RAG.

• DURACIÓN. Cada exposición deberá durar entre 5 e 10 minutos.

• TEMÁTICA. Como xa dixen, a temática que elixas pode ser calquera, pero intenta ser orixinal e aproveitar esta oportunidade para mostrarnos algo novidoso na clase e para investigar pola túa conta. Algunhas ideas: a cultura dun país lonxano, algún ser mitolóxico, un invento revolucionario, un grupo de música, unha viaxe que fixeras…

• QUE AVALIAREI?.

	0	0.5	0.75	1
Uso correcto da lingua galega (coidado coa colocación dos pronomes e castelanismos, intenta empregar conectores para ordenar o teu discurso...).. Este apartado puntúa o doble.
Duración axeitada da exposición.
Orixinalidade do soporte.
Organización e secuencia da información.
Ton de voz.
Dominio do contido.
Uso dos recursos visuais e tecnolóxicos.
Recoñecemento das fontes de información.

• PRAZOS E DATAS DE ENTREGA:
• Entrega do guión: luns 3 de xuño.
• Entrega soporte e guión definitivo: luns 10 de xuño.
• Exposicións: luns 17 de xuño.